सुर्खेतको वीरेन्द्रनगर –४ भैरवस्थानस्थित वसन्त कोइरालाले सञ्चालन गरेको तरकारी फर्म अवलोकन गर्दै कर्णाली प्रदेश सरकारका भूमि व्यवस्था, कृषि तथा सहकारी मन्त्री विमला केसी । युवा उद्यमी कोइरालाले झन्डै १० कट्टा जमीनमा आठवटा टनेल बनाएर टमाटर, ब्रो काउली, काउली, गोभी, काँक्रा, लौका, सागलगायतका तरकारी उत्पादन गरिरहेका छन् ।

बुधबार उक्त कृषि फर्मको अवलोकन पछि मन्त्री केसीले कोइरालाले सञ्चालन गरेको तरकारी फर्म कर्णाली प्रदेशकै नमूना भएको बताइन् । मन्त्री केसीले यसरी व्यावसायिक रूपमा ठूला कृषि फर्म सञ्चालन भए कर्णालीलाई छिटै तरकारीमा आत्मनिर्भर बनाउन सकिने विश्वास व्यक्त गरिन् ।

कृषि नीति र प्रविधि युवा र साना किसान मैत्री बनाउने तयारीमा मन्त्रालय रहेको उनले जानकारी दिइन् । कोइरालाले विगत ४ वर्षदेखि झन्डै १५ लाख लगानीमा व्यावसायिक अर्गानिक तरकारी खेती गर्दै आएका छन् ।

थप तस्वीर–