सुर्खेत, १८ कात्तिक ।

कर्णाली प्रदेशका हिमाली जिल्लामा हिमपात भएको छ ।  हुम्ला, जुम्ला लगायतका जिल्लामा आज बिहानबाट हिउँ पर्न थालेको हो । हिमपातसंगै ति जिल्लामा चिसो बढ्दै गएको छ । गएका वर्षहरूमा पुस महिनाबाट हिमपात शुरु हुने गर्दथ्यो भने यो वर्ष कात्तिकमै हिमपात हुन थालेको छ । कात्तिकमा परेको हिमपातले बालीनाली भित्र्याउन समस्या पार्ने भन्दै किसानहरु चिन्तित बनेका छन् ।