सुर्खेत । जाजरकोटको भेरी नगरपालिका–२ रिसाङमा गएको पहिरोबाट प्रभावित तीनसय जनाभन्दा बढीको उद्धार गरिएको छ । नेपाली सेना, नेपाल प्रहरी, सशस्त्र प्रहरी र स्थानीयको सहकार्यमा पहिरो प्रभावितको उद्धार गरिएको हो । पहिरोमा पुरिएका चार जनाको शव निकालिएको छ । त्यस्तै, घाइते आठ जनाको उद्धार गरिएको छ । पहिरो प्रभावितलाई स्थानीय विद्यालयमा सारिएको छ । उनीहरूका लागि कर्णाली प्रदेश सरकारले राहत सामग्री वितरण गरिसकेको छ । प्रदेश सरकारले पहिरो प्रभावितका लागि राहत सामग्रीसँगै सुरक्षित स्थानमा सारिएकाहरूलाई स्वास्थ्य परीक्षणको सुविधा उपलब्ध गराइएको छ। पहिरोको उच्च जोखिममा रहेका घरपरिवारलाई सुरक्षित स्थानमा स्थानान्तरण गरी उद्धार कार्य जारी राखिएको छ।