काठमाडौं, ३ पुस ।

सातवटै प्रदेशका उपसभामुखहरूले मर्यादाक्रमबारे असन्तुष्टि जनाएका छन् । प्रतिनिधिसभाका उपसभामुख, राष्ट्रिय सभाका उपाध्यक्षसहित सबै प्रदेशका उपसभामुखको सोमबार सिंहदरबारस्थित संघीय संसद् सचिवालयमा भएको छलफलमा उनीहरूले प्रदेशको प्रमुख सचिवभन्दा आफूहरूको मर्यादाक्रम पछाडि रहेको भन्दै गुनासो गरेका हुन् ।

हाल कायम रहेको मर्यादाक्रमअनुसार प्रदेश सभाका उपसभामुख १३औँ नम्बरमा छन् । तर, प्रदेशको प्रमुख सचिवलाई प्रदेश सभाका उपसभामुखभन्दा दुई तहअगाडि ११औँ नम्बरमा राखिएको छ । महिला उपसभामुखको अनुभव, भूमिका तथा मिडियाको पहुँचसम्बन्धी भएको छलफलमा प्रदेश सभाका उपसभामुखहरूले गतिशील राजनीतिमा रहनेलाई ‘उपसभामुख’ पद मूर्तिसरह हुने बताए ।